So- da hann isch mol am Wocheenn mei zwei Herr(s)cher engepaggd un mir senn dann no Gonneswella off de Hundeplatz. Irjendwas war dord med Beglaidhund. Isch benn med denne zwai ach nur fa de Forwidz hingefaah. Awwa isch muß schon saahn: scheen war`s gewähn. All Leid ware saufreindlisch. Nur hann so alsmo bleed geguggd, wie se geheerd hann, daß isch mol grad faschd erschd elf Monad benn. Egal.
Besonnersch hard fand isch jo, daß mei Bruda- de Kadago- aach do war. Das had misch so rischdisch gefreid. (Der wohnd jo aach schonn lang nemmo do- der wohnd jedz irjendwo enn Offebach odda Offebursch odda so. Ess jo aach egal. Off jede Fall heize die med Holz unn do hadda dann emma scheen warm)
Also mir had das dort scheen gefall.
Kommentar schreiben